TIROHANGA ANAMATA
He whakaoho i te whenua ki ngā hua o Tāne, kia toitū a Papa, kia whai oranga mō te iwi, mā te iwi me ngā uri whakatipu.
Ō TĀTOU NGAHERE – HE TIROHANGA MĀORI
Whenua oho
HE WHAKAMĀRAMATANGA
Ko tā mātou e whai nei he whakamana i a koutou ngā kaitiaki whenua Māori mā te tuku mōhiohio whānui, kōwhiringa matahuhua, tautoko matatau hoki, e whai whakataunga ai mō ō tātou whenua me te mōhio ka pēhea te mahi ngahere e tutuki ai ngā putanga ā-hapori, ā-taiao, ā-arumoni hoki. Ko tā mātou aronga he whakaoho i ngā whenua Māori kua roa nei e moe ana, ka mutu, he tautoko i a koutou ngā kaitiaki whenua whānui, ināhoki e whakapono ana mātou mā te whakatipu ngahere e ora ai tō tātou taiao, e hua mai ai hoki he oranga ā-hapori, he oranga ā-ohanga mā ngā uri whakatipu.
NGĀ RATONGA
Mei kore ake te tahua moni e tautoko ai, e āwhina ai a Whenua Oho i a koutou ngā kaitiaki whenua Māori kia uru atu ai ki te mahi whakatipu ngahere. Kei te whakarite kāhui tuku moni mātou, he rite ō rātou wawata ki ō koutou ngā kaitiaki whenua kia whai hononga ā-pakihi mehemea koirā te hiahia. Kei te whakarite kāhui whakahaere ngahere hoki mātou hei āwhina ki te whakatutuki i te whakamahinga me te whakahaerenga ina hiahiatia ai, ā, ka āwhina hoki mātou ki te whakakao mai i ēnei āhuatanga mā ngā hanganga ā-ture, ā-pakihi hoki hei whakatinana i te rautaki kua whakaaetia. He utukore ā mātou ratonga āwhina ki a koutou, ka mutu, ki te kore e hiahiatia te mahi whakatipu ngahere, ka āwhina mātou mā te tūhono ki ngā mātanga me ngā ratonga o ētahi anō rāngai.
