Nau mai, haere mai
HE WHAKAOHO I TE WHENUA KI NGĀ HUA O TANE, KIA TOITŪ A PAPA, KIA WHAI ORANGA MŌ TE IWI, MĀ TE IWI ME NGĀ URI WHAKATIPU.
TIROHANGA ANAMATA
He whakaoho i te whenua ki ngā hua o Tāne, kia toitū a Papa, kia whai oranga mō te iwi, mā te iwi me ngā uri whakatipu.
HE WHAKAMĀRAMATANGA
Ko tā mātou e whai nei he whakamana i ngā kaipupuri whenua Māori mā te tuku mōhiohio whānui, kōwhiringa matahuhua, tautoko matatau hoki e taea ai te whai whakataunga mō ō tātou whenua me te mōhio ka pēhea te mahi ngahere e āwhina ki te whakatutuki i ngā putanga ā-hapori, ā-taiao, ā-arumoni hoki. Ko tā mātou e aro nei he whakaoho i ngā whenua Māori kua roa e moe ana, ka mutu, he tautoko i ngā kaipupuri whenua whānui, nā te mea e whakapono ana mātou mā te whakatipu ngahere e whakarite ara reretahi hei whakaora i tō tātou taiao me te whai hua ā-hapori, ā-ohanga hoki mā ngā uri whakatipu.
NGĀ RATONGA
Mei kore ake te moni whakangao e āhei ai a Whenua Oho ki te tautoko me te āwhina i ngā kaipupuri whenua Māori kia uru atu ki te mahi whakatipu ngahere mehemea koirā te ara ka hiahiatia. Kei te whakarite kāhui kaiwhakangao mātou e rite ana ngā wawata ki ngā wawata o ngā kaipupuri whenua hei whakarite whanaungatanga hononga pakihi mehemea ko te moni whakangao tērā ka hiahiatia. Kei te whakarite hoki mātou he kāhui āheinga whakahaere ngahere e taea ai te āwhina ki te whakatutuki i te āheinga me te whakahaere ina hiahiatia, ā, ka āwhina hoki mātou ki te whakakao mai i ēnei āhuatanga e toru mā ngā hanganga ā-ture, ā-pakihi hoki hei whakatinana i te rautaki kua whakaaetia. He utukore ā mātou ratonga āwhina ki ngā kaipupuri whenua, ka mutu, ki te kore e hiahiatia te mahi whakatipu ngahere, ka taea tonu e mātou te āwhina mā te tūhono i te kaipupuri whenua ki ngā mātanga me ngā ratonga o ētahi anō ahumahi.
(c) Whenua Oho 2020 All Rights Reserved